Partido correspondiente a la jornada 22 de la Liga Endesa, disputado en el Fontes do Sar, ante 3.970 espectadores.
<<>>
FICHA TÉCNICA:
Monbus Obradoiro 81: Hobbs (15), Robertson (6), Scrubb (22), Ellenson (12), Birutis (19) – quinteto inicial – Vicedo (-), Okouo (0), Zurbriggen (2), Oliver (1), Beliauskas (2), Muñoz (2) y Suárez (0)
MoraBanc Andorra 73: Hannah (9), Miller-McIntyre (21), Nakic (0), Llovet (5), Diagne (8) – quinteto inicial – Paulí (2), Crawford (5), Colom (-), Morgan (1), Arteaga (14) y Mekel (8).
Árbitros: Jordi Aliaga, Juan de Dios Oyón y Cristóbal Sánchez. Eliminaron por faltas a Clevin Hannah, del MoraBanc Andorra
Parciales: 24-14, 22-21, 11-26 y 24-12
O Obradoiro sumou un triunfo fundamental diante de Andorra, un rival directo na pelexa pola permanencia. Logo dun gran primeiro tempo parecía que todo o traballo se ía ao traste nun terceiro período nefasto. A mellor versión dos santiagueses apareceu no intre decisivo para remontar e acadar a sétima vitoria da temporada.
A posta en escena resultou inmellorable. Scrubb, Birutis e Ellenson asociábanse de tal xeito no primeiro cuarto que Andorra non atopaba o xeito de parar o trío máxico do Obradoiro (24-14). No segundo apareceu un Hobbs moi discreto ata o de agora na temporada para manter a diferenza e chegar ao descanso por riba dos dez puntos (46-35).
Todo mudou á volta do vestiario. Diagné e Mekel, dous actores secundarios de Andorra, convertéronse en estiletes e o Obradoiro non atopaba o camiño do aro contrario. A boa defensa do primeiro tempo esvaeceuse e deixou un preocupante 57-61 para os andorranos.
No último cuarto o Obra recuperou as súas mellores virtudes. Remontou ao comezo cun parcial de 6-0 e desde a defensa comezaron a recuperar o camiño perdido. O incansable Scrubb (22 puntos en 37 minutos) atopou bos socios en Hobbs (15 puntos e 9 asistencias) e Birutis. Conseguiron darlle a volta ao resultado e acadar unha vitoria que vale o seu peso en ouro.
-TVG-
Crónica ACB
🆚 
